喪

最近睇喪屍睇上腦。


先係睇完明珠台播嘅《Walking Dead》第二季之後意猶未盡晚晚上網煲至少一集第三季。

沉迷到連響公司食晏都開嚟睇。


然後再癲到一次過買晒《生代危機》1 ~ 5 集嚟做除夕同新年嘅重點節目。


唔知點解會忽然愛上睇喪屍。

仲要睇完夜晚會發惡夢都要繼續睇。

聖誕歌

要數我最鍾意嘅聖誕歌。

相信一定係呢首。

末日、冬至

以為世界末日可以一了百了。

瞓醒時無發生。

兩點時無發生。

等到七點半都無發生。

頂你空歡喜一場。


以為冬至有得放早。

三點無放。

四點無放。

終於等到五點有得放。

頂你不如唔好放。


因為撞到你同其他人一齊。

令我覺得如果世界真係末日。

可能至少會令我今日好過一啲。

迎接末日

還有兩小時就踏入 2012/12/21.

世界末日會來嗎？

不要不來啊！

末日不來的話就真的是末日了。

悶到嘔電

電力系統需要大檢。

屋企停電廿四小時。

咩都做唔到悶到嘔。


我終於知道點解以前生育率比較高。

沒有電視的晚上

沒有電視的晚上。

我寫了之前的兩篇網誌。

單手拍得響

一隻手掌拍唔響。

但總可以拍大脾。

留情

兩年來我經常要到不同的地點工作。

逗留一個地方的時間由短至半小時到長至數個月。

需要接觸的人數以百計。

但對大部人而言，我只是他們工作環境上的一個過客。

所以我一向習慣不投放太多的感情於同事身上。

保持距離、獨來獨往。

同事就是同事，不是朋友。

以免關係變得複雜。


但在過去的三個月。

這種自我約束的能力開始轉弱。

我開始懷疑以往定給自己的規條是否恰當。


應該快樂地去迎接快樂？

還是不快樂地去避免不快樂？


終於是時候不再抑壓自己了嗎？

我不能肯定。


不想留下感情。

因我終歸會離開這個地方。

冷血動物

我一向好少關心朋友。

唔係唔想，而係唔識。


要我講一啲慰問或者窩心嘅說話。

連我自己都會毛管戙。


近日嘗試改變開始對朋友好啲。

但似乎佢哋都唔係好慣。


可能我平時真係太仆街．．．

痊癒

能夠再次面對你。

應該可以代表我已經沒事了吧。

春天分手 秋天會習慣

《Concert YY 黃偉文作品展》最精采一幕。

彭羚 容祖兒 - 心淡

2012 小遺憾

如果要數今年嘅一件小憾事。

應該都算係無撲飛睇《Concert YY 黃偉文作品展》


睇碟都已經覺得精采。

草蜢森巴大戰軟硬Fans演唱會2012

睇得人非常開心嘅演唱會。

YEAH！

《未完的小說》

今朝忽然想聽 彭羚。

輸在起跑線上

根本跑唔郁。

慢跑一圈已想死。

過去只是一堆廢紙

一部碎紙機。

可以將過去的人和事一併碎掉。


由今天開始。

我再記不起往事。

亦沒跡可尋。

四個週末

屈喺香港放八日大假。

感覺其實似連續過咗四個星期六、日。


日日響度無無聊聊咁做平時週末做嘅嘢。


第一次放假放到唔想放想返工。


浪費咗一個假期。

釣魚台是中國的

因為中國同日本嘅釣魚台爭拗令局勢變得緊張。

直接令我父母基於安全理由而勒令我取消京阪神之旅。


老實講。

雖然我理解父母嘅諗法。

但條氣仍然相當唔順。


專登唔揀另一個地方去。

專登唔取消已攞嘅大假。


擺明鬥氣。

痛苦嘅咪又係自己。

《聽風者》

走粉

就嚟全香港嘅小朋友都只可以靠飲人奶長大。

諸事不順

如題。

童年回憶

細個時睇得最多嘅「書」。

應該就係《老夫子》

重遊尖沙咀

影呢張相嘅時候我響度諗。

世界上有邊度嘅夜景比呢度更靚？

睇呢個展覽嘅時候我響度諗。

有邊個笑容比呢個更諷刺？

《ALIEN ANTHOLOGY》異形四部曲

由於睇咗《PROMETHEUS》普羅米修斯 嘅關係。

於是我睇埋《異形》

《PROMETHEUS》普羅米修斯

由於無睇過《異形》嘅關係。

所以我唔知道原來呢套戲係《異形》前傳。

命、運

我條命，要同人交代。

我嘅運，由個天安排。

誰都不知我心底有多暗

返到辦公室前，離開辦公室後。

總會塞上耳筒，拒人於千里之外。


甚少主動搵人吹水。

其他人撩我都只會係一句起兩句止。


唔 add 同事 Facebook.

除非已經變咗做「舊同事」。


對於所有同事嚟講。

我只係一個陌生人。



最近好鍾意食完晏之後一個人聽住歌響海旁散下步。

啞咗

我說：返工竟然比放假快樂。


朋友：生活貧乏得剩下工作。

《愛》

曾經有好一段時間，我一直在逃避看愛情片。

原來已經是時候可以面對了。


有些事，確實只會在電影裡發生。

尤其是好事。

逼真

我幾乎殺咗人。

喺夢入面。


朋友話我壓力大。

我諗係卦。


不過。

殺人嘅感覺真係好震撼。

《晚秋》

一直好期待呢套戲。

一路等佢出碟。

結果。

又係冇預期中咁好。

Chok

逃難

再唔離開香港抖抖氣。

我就會癲。

有心唔怕遲？

十年前已經應該要做嘅事到今時今日先做。

一切都已經太遲。

夢想有價

曾經以為可能好遙遠嘅一個夢想。

依家原來唔駛一萬蚊就可以實現。


既興奮，又失落。

貧窮的富二代

朋友話我係富二代。

但其實我本身好窮。

無樓無車無錢無女。

邊有有錢仔會係咁？

答案

今日有一個可能係個天安排俾我嘅機會擺響我面前但我糟蹋咗。


喺做一個決擇時。

我再一次揀咗以自己嘅感受行先。


我終於知道。

如果我一直將「自己」放響任何人之前。

幸福只會一直離我好遠、好遠。


可惜。

時光唔會倒流。

機會冇第二次。

絕種

常有人對我媽說。

「你兒子啊！是少有的好仔。」


我想。

「是啊！跟恐龍一樣，應該在地球上消失。」

明明當初貪玩 怎麼想博命

我當初並唔係因為貪玩。

卻響不知不覺間博咗命。

陳奕迅《猜情尋》

作詞：林夕
作曲：吳國敬/孫偉明
編曲：吳國敬/孫偉明

遊戲就算輸了亦有限　難過像過山車哪麼辦
前程不管可否錦繡　加燦爛
認真地玩　全心去玩　更好玩

遊戲若有輸也就有贏　除了力氣當然也講命
明明當初貪玩　怎麼想博命
何必面青　何必太驚　快聽聽

別當你要奮勇血戰　無論聰穎或愚笨
猜猜情尋　雖不如人　不影響你笑臉迎人
沒有說過你要戰勝　留下歡樂便無憾
猜猜情尋　猜猜情尋　玩輸可以勝過別人
多一餐好教訓

前進後退不過是個夢　搖過蕩過不失個好夢
前程不管可否錦繡　都有用
目標落空　才可有空　放輕鬆

誤解

好多人話我身在福中不知福。

其實我只係盡量有風駛盡艃。


因為我唔知我幾時死。

寧缺勿濫

你會選擇無一樣嘢。

定選擇一件一樣樣嘅假嘢？


我寧願無。

簡單的加減數

唔明。

點解啲同事可以周身債。


唔食晏。

停電話。

賣車。


係因為男人無謂嘅面子問題。

定你老婆真係拎住支鎗指住你個頭迫你去租一個你負擔唔起嘅單位？

價值觀

每月例會都會包一份早餐。

多數我都會通知訂少我嗰份餐而齋飲嘢。

因為食完早餐我會食唔落晏。

無謂食唔晒早餐之餘又嘥埋我份晏。


同事聽見後都會好緊張咁同我講。

同事：「做咩蝕俾佢（公司）呀？」

我：「下？食唔晒咪又係嘥。」

同事：「點會食唔晒？冇人食掉咗佢都唔好蝕丫！」

我：「⋯⋯」


做人應該係咁嘅咩？

打份工就應該係咁？


難怪我響公司永遠都係一個獨家村。

標籤

「你哋呢啲 IT 人，實係咁咁咁咁㗎啦！」


帶個面具打份工搵兩餐啫。

像往昔一樣 我每天好好的過

陳奕迅 楊千嬅《其實我記得》

傷感的眼淚 從來未屬我
像往昔一樣 我每天好好的過

分手這結果 真的有痛心過
伴我走只得我 原來亦沒不可

是逝去那些經歷 改變著我
並沒有那一方 是對跟錯
你眼睛溫柔過 夢與想再飄過
飛出天空唱我的歌（欣賞再次自在一個）

其實我記得 曾被愛的感覺
相擁親吻路上唱和 你我亦那麼傻 而其實我記得
曾承諾過這麼多（當初的許多經過）
當天都也認真過 沒有誰能像我們清楚
曾這麼珍惜過（沒有誰能像你諒解我）（讓過程留在我們心窩）

當天的故地 無言又路過
與友好今夜 談話中可講起我

心底的痛楚 光陰再擦洗過
你會否想起我 仍懷念著當初

明白放過你是放過自己這個道理

關心妍《放生》

作曲：李峻一
填詞：李峻一
編曲：Billy Chan
監製：Tomson Lo

熱情淡了嘛　想抽身了嘛
聊電話也洩氣了嗎
舊承諾應不假　卻忍不到悶吧
惦記當天處處鮮花

互纏著到老　不死都疲勞
還是跟你痛快結束
為承諾守得到　拍拖都變義務
沒法稀罕你這情操

去吧　猶如候鳥飛走吧
未奢想你迷途知返
自由來換失戀那代價
你真的相信值得嗎

是我太過愛你　願意放生你
無謂你抱陣我也這麼的晦氣
我亦算知醜　無謂強迫你
難道要我對著你句句要生要死
就當愛錯了你　就當放生你
無謂你說話裏有這麼多怨氣
我就放開手　無謂再忍你
明白放過你是放過自己這個道理

躁

我有一個同事做做下嘢嘅時候會不斷講粗口。

佢唔係鬧人。

似係鬧自己多啲。

起初我都唔明點解佢會咁。


直至最近。

我做咗佢嘅同類。


因為我同佢一樣已經忙到癲 X 咗。

哽耳

唔知由幾時由邊度開始。

啲人忽然好鍾意講「Thank you 你」。


好憎聽到呢個「英、中」配搭。

多事聽眾

我覺得我並唔係一個合適嘅聆聽者。

除非你想俾我兜巴兜巴咁摑醒你啦。

蔡康永 微博轉載

當你說「想做回原本的自己」，會不會你只是在找藉口，逃避現在的自己？

若是懷念想逃就逃想恨就恨的日子，你隨時都可以這樣做，只要明白這樣做的後果，也都會成為你的人生。

人生如河，每秒流動，你永遠不可能再踩進同樣的水裡。

每個階段的你都是你，沒有那個傳說中「原本的你」啊。

【康永-給殘酷社會的善意短信】

http://weibo.com/caikangyong

像我沒來過 沒去過

MP3 機又播到呢首歌。

心裡一沉。


我不禁問自己。

究竟過去半年。

我係未傷心完。

定係未開心過。


朋友說。

其實可能我已經冇事。

只係自己唔放過自己。

《不來也不去》

歌手：陳奕迅
作曲：C Y Kong
填詞：林夕
編曲：C Y Kong

揚帆時 人潮沒有你 我是我 和途人一起
停頓時 在你笑開的眼眉 望穿秋水之美
回程時 浪淘盡了你 任背影 長睡著不起
留下我 在糞土當中 翻檢背囊 直到拾回自己

掌心因此多出一根刺 沒有刺痛便懶知
就當共你 有舊情沒有往事

如煙 因給你遞過火 如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過


誰同行 仍同樣結尾 血液裡 才遺傳悲喜
誰亦難 避過這一身客塵 但剛巧出於你
垂頭前 沒緣份喪氣 睡到醒 才站立得起
盲目過 便看到天機 反覆往來 又再做回自己

即使一生多出一根刺 沒有刺痛別要知
就當共你 有劇情沒有故事

如花 超生了沒有果 如果 過路能重踏過
就當最初 是碎步湖上可不可
不種下甚麼 摘來甚麼
像我沒來過 沒去過

積極不干預

唔識政治。

冇立場。

所以唔參與。


建制派可能會做好事。

泛民亦可能做衰嘢。


反正點投都錯。

唔想有份害港害人。

沮喪

每次聽呢首歌時都會有好奇怪嘅感覺。

盧巧音《沮喪》

作曲：李伯健
填詞：黃偉文
編曲：Pete Lewis
監製：陳輝陽

心知道有路尚要趕
身體卻拒絕彈起床
事後我討厭自己　不會反抗　讓我很沮喪

當天氣那樣地晴朗
當工作照樣十分忙
事後我討厭自己經濟狀況

每次我也知道什麼錯
每次我也知錯不改過
怎麼偏偏知道難過　怎麼不可安心出錯

急於到處賣弄眼光
小把戲過份露鋒芒
事後我討厭自己　不會收放　讓我很沮喪

只知道有話就要講
不懂去漂亮地隱藏
事後我討厭自己　不看狀況

每次我也知道什麼錯
每次我也知錯不改過
怎麼偏偏知道難過　怎麼不可安心出錯

當失控憤怒沒法擋
將好友當做練靶房
事後我討厭自己　粗魯兇悍　讓我很沮喪

小波折放入大染缸
騷擾各界受盡驚惶
事後我討厭自己　不夠硬朗

好多個晚上睡在床
想想怎可不沮喪
一想到　馬上很沮喪

被推著走 跟著生活流

忙。

累。

死。

黑色喜劇

每次睇戲或者電視劇時見到大團圓結局。

都總係覺得好夾硬嚟。

主角一定冇事、一定唔會死、甚至翻生。

地球一定唔會爆炸因為殞石會自已飛開。

點解一定要係咁？


就好似最近睇《怒火街頭2》。

換轉係我一定會拍判「籮霸」謀殺罪名成立。


如果我係一個導演／編劇。

一定全部係悲劇。

適婚年齡

好多人會對啲單身嘅人講：「喂！你已經到咗適婚年齡喇喎！」


但有冇諗過。

其實好多人係唔適婚結婚？

等同自殺

坐小巴。

綁安全帶。

聽住歌。

瞓覺。


其實同其他自殺方法冇咩分別。

死不瞑目

連要求結束自己生命嘅權利都被褫奪。

真係死都死得唔安樂。



安樂死申請剛遭駁回 英癱瘓漢絕食身亡
(2012年08月23日)


患有「閉鎖症候群」(Locked-in Syndrome)的英國男子尼克林森(Tony Nicklinson)，上周四遭法院駁回其安樂死要求後，他昨日突在家中死亡。雖然家人聲稱尼克林森是自然死亡，但他離世前曾於Twitter留下疑似遺言，英國廣播公司(BBC)則指他死前已絕食5天，相信他選擇餓死。當地警方已表明，不會調查其死因。

孤單旅行

十月。

大阪、京都。


如無意外。

在下一個妳出現之前。

我仍然會是一個人旅行。

歲月如歌

今年，時間彷彿過得特別快。


不久之前才說「限我對你以半年時間慢慢的心淡」。

轉眼，就已經九月。

「半年期限」早已過。

心，亦已淡。


踏入八月之後，忙得不似人型。

每天上、下班花在交通工具上的時間。

由以往的一個半小時。

增加至兩個半小時甚至四、五小時。

單是坐車，就已經夠累人。


坐在車上，聽著歌。

一時望望風景，一時小睡片刻。

時間，不知不覺就溜走了。


三百三十七首歌曲。

共二十二點四個小時。

足夠我聽到哪裡都可以。




再見了　背向你　回頭多少傷悲
也許不必再講　所有道理
何時放鬆我自己　才能花天酒地

其實我跟你都不算得罕有

週末狂熱

英超終於開鑼。

以後星期六、日就再唔駛咁悶。

《車手》

《懸紅》

《海豹突擊隊》

《大追捕》

重投懷抱

對上一次用 SONY 手機已經係六年前。

http://hide-myself.blogspot.hk/2006/01/blog-post_15.html


同時發現。

原來我以前啲 BLOG 好長篇大論。

不再是夢想

一連三個星期六，每日兩堂，每堂三小時嘅電影工作坊終於上完。

仍然迷惘。


迷惘在於思緒夾喺中間唔上唔落。


究竟應該繼續做一個簡單嘅快樂觀眾？

定係做一個複雜困惱但懂得欣賞電影嘅人？


更癲嘅係。

竟然諗住毅然辭職去做一個全職學生四年讀電影。


用下半世作賭注嚟賭一鋪。


當然。

一切都只係幻想。

唔係夢想。

何謂孤單

孤單嘅定義係。

當我有兩張演唱會飛。

但冇想約嘅人可以一齊去睇。

布袋澳

諗都冇諗過會因為工作關係而重遊呢個地方。

以前嚟呢度都只係同屋企人食海鮮無四圍行。

比原定時間早到。

四周行下影下相。

身心舒泰。

轉載【阿寬】《可靠的男人》

女人很清楚哪種男人靠得住。

他不懂哄她，絕不會在情人節花數百元買一紮平時只需一百幾十元買得到的鮮花給她。

他不識製造浪漫，從不帶她去有情調的高級餐廳。

他未買過任何名牌東西給她，走進名店，他會很不自在，覺得那些見慣豪客的女店員會看不起他。

他只會買電子產品給她，由手機至手提電腦。他最懂這些玩意，電腦有任何問題他都可以替她修好。

在衣著上他一點也不講究，不愛穿顏色鮮艷的。

他沒向她許下什麼承諾，但她很清楚他是不會離開她的。

只要她答允跟他一起，第二天他就會把他所有秘密全告訴她，包括有過多少女朋友，明愛暗戀過多少次，銀行有多少存款，朋友有多少個。

偶然他會向她發脾氣。怒氣一過，他立即向她道歉，任憑她處置。

跟他一起最大的好處是覺得安全，最大壞處是很悶。

他不止衣著十年如一日，每天三餐可以吃一樣的東西，口味長年不變，由此推斷他對女人一樣是不會變的。

看他穿的鞋的款式，就知他是腳踏實地的人，她可以想像嫁他之後，她會有一個很樸實的家居，沒半點夢幻感覺。

婚禮不會豪華，度蜜月也多是參加旅行團，搞不好會跟他父母兄弟姐妹一齊去。

他一生不會擁有一部雙座位開篷超級跑車，由取得駕駛執照後，他擁有的已是一部可以坐齊一家大細加菲傭的七人車，而且是最慳油那款。

他不是不會出軌，與他出軌的女人，也不會是什麼特別出色的女人，最後他一定會回家的。

可靠的男人，很難令女人一下便喜歡。

＊＊＊＊＊＊＊＊＊＊＊＊＊＊＊＊＊＊＊＊

是吧？

Shift + Delete

由今天起。

我係一個無過去嘅人。

一件錯事

如果我可以問我老豆一條必答題。

我一定會咁問。

「老豆，究竟你有冇做過一件違背良心而後侮嘅錯事？」

唔好似老豆

有時見到一啲小朋友好似父母，餅印一樣。

似靚嗰個就梗係好啦。


今日響街見到一個小妹妹同佢老豆好似樣。


然後我同個天講。

拜託幫幫手我將來嘅仔女千祈唔好似我。

嫁個有錢人

相比好多家庭，我屋企算係有錢。

但相比好多有錢人，我個人就算係好窮。


換轉我係女人，我都唔願嫁呢條友啦。

窄窄地

朋友話：以你嘅年紀，得咁嘅收入又真係窄窄地。


我忽然覺得好有道理。


雖然我做緊一份我好滿意嘅工作。

但似乎應該係時候要望高啲。


望人工高啲。

上位

朋友轉工後經常要 OT。

有時甚至要工作到晚上十點。

以往我一直以自己份工可以六點準時收工而經常響佢面前「曬命」。

但最近風水輪流轉。

先發覺原來當自己響公司嘅位置同職責上變得重要。

OT 都可以係一件快樂嘅事。

清醒

工作很忙。


忙得沒時間去想工作以外的其他事情。

才發現原來沒時間胡思亂想是一件很幸福的事。


不再自尋煩惱。

不再不設實際。

新玩具

天真

等咗一年。

終於如願參加咗一個電影工作坊。

本以為多認識電影製作，會令我對電影更加有熱誠。

偏偏，情況係相反。


知道一套戲係點樣拍。

了解導演嘅拍攝手法。

響分析嘅過程中，我不但搵唔到任何樂趣。

更甚係連我睇戲嘅興致都整走埋。


就好似啲人所講。

出街食飯，千祈唔好走入廚房。


唉．．．

愛恨交纏

自由行

我份工最辛苦嘅地方，就係要日曬雨淋周圍走。

之但係最開心嘅地方，正正就係可以四周圍去。


科學園

無心插柳柳成蔭

響工作上一向冇咩大志只求做好本份。

點知做下做下又似乎越做越上軌道。

團隊人數多咗，管轄範圍大咗。

上司睇得起，兄弟幫得手。

未做夠兩年，進展速度已遠遠超過我所預期。

雖則做得好收入並唔會立即有所增加。

但當中嘅滿足感已令我非常快樂。


盡本份，不需要問回報。

肯付出，適當時候回報就會到。

公私分明

放工之後，基本上我係唔會同同事有任何聯絡。

響工作時間入面傾偈，我亦都好少過問人哋嘅私人嘢。

所以對於同事嘅私事我幾乎一無所知。

相對地，佢哋都唔多清楚我嘅嘢。


我唔八卦係主因。

其次係我亦唔方便俾其他人知我嘅家庭背景。


每次傾偈，我都係講下以前嘅嘢或者人哋嘅嘢。

甚少「現在式」嘅資訊。

全部無關痛癢。


而且每次轉職離開一間公司。

我都唔會再同「舊同事」聯絡。


所以，我只有同事。

冇朋友。

洗底

冇過去，就冇將來。

要有好嘅將來，就要抺掉過去。

兩條麻甩佬的一天

第一站 - Mos Burger

第二站 - 睇蝙蝠俠

第三站 - Burger King

第四站 - 睇波

第五站 - 波士頓 据扒

最後，宵夜 - 菠蘿油