最近響 facebook 見到個朋友 add 咗一個我「曾經認識」嘅朋友。
「曾經認識」係解作,我識呢個人、唔熟、再無聯絡。
靚女,預科同學,我暗戀過佢一段時間。
見到佢張相時真係不得不輕嘆一聲。
不過都合理嘅。
因為佢同我同年。
有時候真係唔可以唔認老。
或者咁講,係年紀開始大。
記得早兩年為減肥去打波、健身。
體能都仲可以拍得住啲後生仔同有成效。
但相隔兩年都真係已經大不如前。
停咗幾個月無做運動之後想操返起但操極都操唔起。
受傷後復原需要嘅時間亦比以前耐得多。
想再減肥但偏偏越減越肥。
唉...