即使係成年人,即使係一個文明嘅社會。
有好多尷尬嘅問題其實都唔知應該點答好。
又或者換個角度去睇,其實可能係唔應該問。
以下嘅情況已經唔係第一次見到、聽到。
響商場嘅廁所門口,多數都係男等女。
因為先天同後天兩方面,女性一般需時比較耐。
而男人好多時等完都唔會問點解。
今日響 IKEA 買嘢,有個老婆響廁所門口等咗好耐。
一見老公就即刻好大聲咁問:「個廁所去咁耐嘅?」
當然,周圍嘅人包括我都好自然咁一齊望住人哋個老公等答案。
結果個老公係無答個老婆之後拖住佢絕塵而去...
唔希望我將來有個咁趣緻嘅老婆...