今年，無慶祝，亦無出街。
電視，依舊係直播煙花。
新聞，依舊係播映萬人空巷嘅慶祝場面。
彷彿人人都好似覺得踏入新嘅一年就真係好似新嘅一年咁。
其實，一切都無變．．．
個個都只係響度自己呃自己。
欠債嘅仍然欠債、病嘅仍然病、不快樂嘅仍然不快樂。
好多人都會有新年願望。
如果真係有「願望成真」呢回事，一早就成真咗又駛乜鬼等到新年。
其實今日只係2010年12月31號之後嘅另一日。
同平時一樣一覺瞓醒之後一切如常嘅另一日。
如果今日係12月32日或者係13月1日又或者係 A.D.734018日。
仲邊有人會慶祝？
