超正方體

原來有o的咁o野！


超正方體三維投影動畫（單旋轉）


超正方體三維投影動畫（雙旋轉）

失眠

昨晚失眠。

百思不得奇解。

可能係因為諗點解失眠所以失眠．．．

旅行

農曆年想出外走走，冇特別原因，只想出外走走。

一個人去，抖抖氣。

未有目的地。

北京？日本？

去北京o既話，應該 要／會 同父母去。

去日本o既話，就自己自由行。

左諗右諗同太遲開始諗，到頭來可能又留o係香港過．．．

疑問

一個部電話唔會響o既人點解要換一部咁貴o既新電話？

安睡

如何才可睡得好？

唱我？

歌名：多愁善感
歌手：王菀之

作曲：王菀之
填詞：林夕
編曲：謝浩文 for the invisible men
監製：馮翰銘 for the invisible men

頭亦懶洗　留待下世 

怎麼會令你不管身世　但你不願提　

閒話放低 　無事也痛哭這等於自毀

你雖看通無數道理　無力制止奇大脾氣

起身若是為上班不願意起　憂慮難過試過想死

來找我不算遲　全因腦分泌出了事
就算你多感性也未試過面對生命懶衝刺
即使未盡人意　亦未至於此

人總有不快時　能乖乖聽我講吃藥
並似拍拖相約數十次　頑皮別似小孩子

即使你未同意　抑鬱可以醫

你的友好求你自愛　然後你想誰未自愛

一般定是俗套講　請你看開
只令你逃離舊友　怕誤解不改

愁緒唱到多美請勿著迷　舊愛行李還是丟低

腦海一下受壓哪只一位　難道只有你心中有鬼

來找我不算遲　全因腦分泌出了事
就算你多感性也未試過面對生命懶衝刺
即使未盡人意　亦未至於此

人總有不快時　能乖乖聽我講吃藥
並似拍拖相約數十次　頑皮別似小孩子

即使你未同意　抑鬱可以醫

BOXING DAY

$6xxx

$5xxx

聖誕節的意義

只是一天公眾假期而已。

新目標

洗腳唔抺腳

朋友的故事

王菀之 - 面具

作曲：王菀之
填詞：王菀之
編曲：褚鎮東
監製：金培達

路太遠　試試兜圈　望更遠　智慧的開端
沿途或虧損　傷心會遠　心愛需要挑選

若怕痛　試試婉轉　並永記　愛侶鋪的磚
從前是相戀　現在計算
為何明明共聚　問候沒半句　太過心酸

曾挽手避開幾多次雨水　仍記得那天掌心印在這裡
熱情漸褪去　才明瞭全是沒有火花的允許
若說穿　其實當初不登對　流盡多少的眼淚　活得幾歲
若必須面對　面具掩飾空虛

在這晚　吃了一餐　望兩眼　慣性的餐單
然後望清水　靜默以對

為何明明共聚　問候沒半句　太過唏噓

曾挽手避開幾多次雨水　仍記得那天掌心印在這裡
熱情漸褪去　才明瞭全是沒有火花的允許
若說穿　其實當初不登對　流盡多少的眼淚　活得幾歲
若必須面對　面具掩飾空虛

會習慣以一世相許

無論曾避開幾多次雨水　還承認幸福根本不在這裡
任全部過去　來重頭尋覓最愛　讓痴心寄居
若說穿　其實不捨得失去　才學懂分開去睡　活於堡壘
命注定的一對　最後各有所取

地鐵（二）- 身邊的寂寞人

無可否認，我寂寞。

於是，我不斷望住呢群「沙甸魚」，睇下有冇同類。

總覺得，呢卡車入面o既百幾人，會有同類。

認真望清楚，總可以從其他人面上找到o的蛛絲馬跡。

只可惜，大家冇機會認識大家，抒解寂寞。

然後，繼續各自寂寞。

地鐵（一）- 沙甸魚

下午六點o既金鐘地鐵站往荃灣線月台，擠滿人。

要等幾班車先上到。

上到之後就變成「沙甸魚」。

每次係呢o的人頭湧湧o既情況之下，我就會問自己為乜留o係香港。

我又會諗我身邊o既呢群「沙甸魚」，究竟知唔知自己o係度做緊乜．．．

朋友的男友

留意到身邊o既異性朋友o既男友多數都係事業有成。

就算唔係位高權重都收入有番咁上下。

就算唔係收入有番咁上下都至少有份正職積極做事。

我相信，男人除o左靚仔之外，上進心係另一樣吸引到異性o既o野。

我，正正兩樣都冇。

唔上進，亦係前度女友離開我o既原因。


我決定，我要以「上進心」去吸引下一個「妳」。

當然，仲有我對你o既「無微不至」。

但，我唔知「妳」幾時會出現．．．

SAMSUNG i908 Omnia

由未出已經想買。

到出o左唔捨得買。

再到銀邊版太似 iPhone 而全黑版又有 1010 或 one2free logo 唔想要。

拖下拖下，已經放棄呢部電話了。

斷片

無論幾努力去諗，我都係記唔起中午之後做過o的乜。

係藥力問題？

定心神彷彿？

倒下了

平復o左四個幾月o既「腸胃焦慮症」終於回歸。

不由自主兼痛不欲生。

下次，唔知會係幾時．．．

WIFI NOTEBOOK 的好處

痾屎時冇書好睇，可以 MSN 同寫 Blog。

哈哈哈！！！

一句

只要你開句聲，我一定赴湯蹈火。

一句，只要一句。



可惜，我都唔會同你講上面o個句啊。



老豆．．．

快樂時刻

每日最開心o既時間，就係聽《嘩！嘩！嘩！打到o黎！2008》o既時候。

下午茶

一場虛驚

原本打算重裝 Windows，點知錯手 delete o左有 data o既 partitions，仲要係 backup folder。

當堂 O 咀，呆o左幾秒。

之後問自己o既第一樣o野係，究竟我冇左o的乜 data？

答案係：唔肯定，因為最近移過o的 file。

之後再問自己，救唔救o的 data 好？

答案係：救，因為記得有o的o野幾重要。

之後再問自己，點救？

答案係：亞 Sir 好似介紹過隻 HDD recovery software。

於是，即刻摷筆記。

慶幸，最後搞番掂。


曾經有一刻，打算唔救o的 data，放棄晒佢，因為覺得所有o野都唔再重要。

但原來，我仍然未可以咁洒脫．．．

壽司癮

(資料圖片)

吊癮吊o左一個禮拜，下星期一定要去食。

不過冇人同我一齊欣賞，一齊分甘同味．．．

分叉路

離開地獄之後，以為會海闊天空。

點知行下行下，又行到一個分叉路口。

一個一邊入山洞，一邊入鳥籠o既分叉路口。

點行，都唔會圓滿。

原來會咁．．．

傷心，原來會遲來。

想哭，原來可以哭不出來。

五指山

逃離地獄兩個多月，生活愉快。

兜兜轉轉，結果又回到地下十八層生活。

憑歌寄意

歌，好多時候好聽o既原因，係因為歌詞能觸動人。

o的詞，正好講出你o既心情，或者你預到o既情況。

《古巨基 - 重複犯錯》

不知你　難過寂寞
聽到你說　毫不快樂
令我想　我這一生往後娛樂　亦難快樂

如若我還尊重愛情　無謂問那次飛關島暢泳
其實你　找不到任何的高興
也許跟我吃喝進睡　會一生都使你有陰影　但求要逃命
彷彿以往接吻過程無異於吻過路人　所以細雪無聲

TAKE 2

今日，我為我o既人生按o左一下 RESTART 制。

下次，可能係按 SHUTDOWN．．．

胖在大陸

終於知道點解我老表返o左大陸做o野之後體重直線上升。

我身同感受。

HOUSE - Religious

If you talk to God you're religious. If God talks to you, you're psychotic.

HOUSE - Miserable

"You have no idea why you sent her off. You sent her away because you've got to be miserable. You don't like yourself. But you do admire yourself. It's all you've got,so you cling to it. You're so afraid if you change, you'll lose what makes you special. Being miserable doesn't make you better than everybody else. It just makes you miserable."

Where the hell is Matt?

http://www.wherethehellismatt.com/

今日無意中睇到呢段片，眼前一亮。

我都好想好似佢咁可以四圍去。

我年紀大，要流浪已經冇乜可能。

都係努力買六合彩，中o左頭獎就有行了！

耐人尋味

唔知咩事，最近好似有渴睡症咁。

無時無刻，都可以訓著。

巴士，小巴，地鐵，一啪就得。

日頭響屋企，又可以快叉一兩粒鐘。

但偏偏夜晚就訓得唔好。

毒男集中營

我每個星期返學o既地方，係一個毒男集中營。

中年o既又有，後生o既又有。

要幾毒，有幾毒。

o係呢個地方，我會覺得我都唔係咁差o者。

你話幾可悲丫．．．


另外，呢間學校專登搵個靚女做接待，認真可惡！

王貽興

原來我同 王貽興 係校友，同屆唔同班。

我o地學校係一條龍服務，小一至中五冇走雞，除非你考第尾。

其實我o地可能同過班，不過我冇印象。

有相同o既朋友，但互相唔認識。

每次聽 ＜嘩嘩嘩＞ 聽見佢講學校o野o既時候個感覺都好怪。

佢講o既 人／物 我都 識／知。

既熟識，又陌生。

因為，由過澳洲開始，我冇再同任何一個中小學同學聯絡。

我唔知所有人變成點，佢o地亦可能以為我已經客死異鄉。

聽見 王貽興 講其他人o既近況。

突然間，我覺得好寂寞．．．

鬧交的意義

今晚放學o既時候，o係旺角，遇到一對情侶。

企係路中心，互相怒啤，冇出聲，應該已經嘈完。

我飲住我o既豆漿，望o左佢o地大約五分鐘。

佢o地亦都冇郁咁互啤o左五分鐘。

我睇唔到個結局，因為要上車走人。


我覺得，佢o地好 sweet。

我亦都覺得佢o地好快無事。


回想番，我從未試過同女朋友咁。

其實連鬧交都少之又少。

某程度上，係一件唔健康o既事。

冇鬧過交，就好似冇經歷過、冇溝通過一樣。

o係戀愛o既過程中缺少o左一o的野．．．

睡在大陸

o係大陸工作o既日子，唔知點解會特別眼訓。

通常十二點前就訓，七點起身，應該足夠。

可能係因為睡眠質素，張床褥硬過木板，一晚醒幾次。

可能係因為坐 office 由朝坐到晚，坐到吽。

總之全日口擘擘。

後遺

過去o個幾日，係咁駛錢。

飲飲食食，衫褲鞋襪。

完全唔考慮價錢。

原來，揮霍都可以係心靈慰藉o既一種。

終於明白點解有o的女人失戀後會瘋狂購物．．．

PERFECT MATCH

誰是理想伴侶？

答案：自己

黑白灰

不約而同，幾個新認識o既朋友都話我o既生活同人生毫無色彩可言。

似乎只有黑、白、灰。

衣著係，行為係，思想都係。

其實，識到你o地，已經增添o左唔少色彩。

幸福但悲哀

經過尋日同個來自同一世界o既朋友傾偈之後，更加認清自己現有o既生活。

肯定的，係我o地都活在幸福之中。

但另一方面，我o地o既人生，似乎好悲哀．．．

同一世界

今日，我終於遇到一個同我生活o係相同世界o既人。

可能唔係完全一樣，但已經好近似。

十幾年以來，都未試過如此有共鳴。

有點相逄恨晚o既感覺。


不過我唔知對方係咪一樣咁覺得。

哈哈哈！！！

恍然大悟

我終於知道，點解我咁鍾意睇電視夜夜都唔願訓。

美大學研究：愈不快樂愈看電視

(明報)11月18日 星期二 05:10

【明報專訊】美國 一項研究顯示，愈不開心的人愈愛看電視，快樂的人則較熱中從事閱讀和社交活動。研究人員指出，看電視雖給人們帶來短暫快樂，長遠來講影響卻不正面。

這次研究選取了兩套從1975至2006年收集的數據進行分析，涉及3萬名成年人。第一套是關於時間管理的研究，要求人們記錄一天24小時進行的活動，然後再指出每項活動帶來的快樂程度；第二套是對人們生活模式改變的調查研究，從深度剖析人們在數年間的情緒變化及支配時間模式如何改變。

快樂人多愛閱讀

研究發現，自稱非常「快樂」的人在社交上更為活躍，他們參加更多的宗教服務活動、更積極投票、更愛讀報。相反，不快樂的人把大量空閒時間用來看電視。研究估計，這些人看電視的時間比快樂的人要多20%。

負責研究的馬里蘭大學社會學家羅賓遜（John P. Robinson）推斷，隨着經濟在未來數月持續惡化，看電視的人數和時間可能會顯著增加：「人們可控制的時間愈來愈多，看電視的時間也相應增加。」

研究人員無法明確斷定不快樂與看電視之間的因果關係。但羅賓遜警告﹕「電視並不會令人獲得真正、長久的滿足。看電視令人更被動，並帶來逃避藉口，尤其是當電視新聞和經濟形勢一樣令人絕望的時候。數據顯示，看電視這一習慣會在短期內提供快樂，代價卻是長期的心神不安甚至抑鬱。」這項研究成果刊登在12月出版的《社會指數研究》（Social Indicators Research）上。

愛與被愛

一向，都係我愛對方多過對方愛我。

想有個佢愛我，多過我愛佢o既人。

或者，至少大家愛o既程度接近。

被人愛，應該比愛人幸福。

未試過，好想知道個感覺係點．．．

鬧

點解大陸特別嘈？

因為個個都鍾意鬧人。

o係大陸o既香港人鍾意鬧大陸人。

o係大陸o既大陸人又鍾意鬧其他大陸人。

俾人鬧o個個大陸人又鍾意鬧返鬧人o個個大陸人。

大陸人連一般傾偈o既語氣都似鬧交。

由朝到晚就係o係度吵吵鬧鬧。

化妝？喬裝？

今日行將軍澳，見到一個人好面善。

諗o左一陣，望多兩望，打o左個突。

全靠個髮型，我先認得佢原來係每朝o係ＴＶＢ見到o既新聞主播。

嘩！落o左妝，o的眼耳口鼻唔同晒，真係幾乎認唔出．．．

呢o的，應該就係黃子華口中o既「喬裝」。

Mercedes-Benz R350

歌

最近鐘意聽o既兩首歌。

《謝安琪 － 十字架》

彷彿背上十字架捨我救贖未算好　愈奉獻得到結局愈殘酷
教我為免傷勢再會變更槽　圍牆變更高
圍住要自己的去路　防護罩終變成墳墓
將真的我埋葬下去　哀悼裡獨個漸漸老

多想光陰退後到舊時　童年重度
多斬釘截鐵共處　態度
我對你好所以你會對我好
心裡沒墳墓　無奈這幸福的國度
已飽經災劫無寸草
今天只得我野地裡在獨舞
要怎麼的上路 祈望一天我能知道

《古巨基 - 眼睛不能沒眼淚》

微笑吧　容我把天真留下
相機證明曾經欣賞過大家
離去吧　忘記永久這童話
想找快樂何不飛奔抱住他
一起　開心　留下
不再　開心　由它

願你記住　結束感情沒有罪
變心不是你不對
假使背著良心一起太傻女
願我記住　眼睛不能沒眼淚
只因沙石要洗去
真心愛人無非想她有人可登對

迷

今日，我做o左一件我從來都唔打算做o既事。

我以前堅持唔會做o既一件事。

我都唔知點解。

係求變？

定失常？

多

大陸，乜都多。

人多，車多，塵多，垃圾多，而且嘈好多。

o係大陸生活，空閒時間亦多。

多到可以晚晚都寫 blog。

因為我冇出去玩。

o係大陸，娛樂仲多！

妹妹妹妹

呢排，好鍾意聽９０３o既《妹妹妹妹》。

原因，可能係想搵番青春o既感覺。

同埋，想知道女仔諗乜。

知下，依家o既女仔係點。

因為，我已經脫節o左八年．．．

而且，個節目都幾好聽o丫！

悲？喜？

今日o係地鐵碰到一對年輕父母。

年齡，廿零歲吧。

個愛情結晶品，應該一歲左右，或者未夠。

女o既愁眉苦臉，男o既手足無措。

可能佢o地好愛對方，所以順理成章早結早生。

又可能係純粹意外，逼於無奈。

無論係邊個原因都好，我感受唔到佢o地係快樂。

無論係乜o野原因都好，佢o地o既生活已經因為個小朋友而徹底改變。


我望住個老豆o係度諗，如果我係佢，我o既生活又會變成點？

我又會唔會活得快樂？

最快樂的人

有冇見過大肚婆愁眉苦臉？

比較少吧。

多數大肚婆，都係笑面迎迎，一個甜蜜幸福樣。

同佢o地傾偈，更能感受到佢o地內心o既o個份喜悅。

所以，我最近好鍾意同大肚婆傾偈。

旺角

每個星期到呢個地方，都覺得我唔屬於呢度，格格不入。

因為我一o的都唔潮，仲有點柒。

而且，呢度好多痴男怨女，或者好多群體。

絕對唔適合我呢o的獨家村寡佬。

吹水男

好多男人，把口都係唔收o既。

唔收o既意思，唔係話把口衰，而係冇o野搵o野講。

唔識波扮識波講波，講女人講去滾，鳩o翕搞爛 gag，口沬橫飛。

幾個男人坐埋一齊食飯唔講o野的確係怪o的，但係都唔駛咁嘈，講唔停。

兜口兜面，應又唔係，唔應又唔係。

靜o的又唔駛死o既。

理想生活

七點起身

八點食早餐

八點十五分開工

一點食晏

兩點再開工

六、七點收工

八點幾食晚飯

九點幾沖涼

十點零時段上o下網睇o下電視

十一點幾訓覺


咁o既生活，仲唔係夢想成真？

中國咸魚

我發覺，原來o係邊度生活對我o黎講係冇分別o既．．．

我發覺，原來做邊份工對我o黎講係冇分別o既．．．

我發覺，原來冇人生目標對我o黎講係冇問題o既．．．

我發覺，原來咁o既生活態度對我o黎講係冇問題o既．．．


望望四周，我發覺，原來o係我身邊o既大部份大陸人都係咁．．．

漫無目的，渾渾噩噩，咁就一世．．．


「做人如果冇夢想，咁同條咸魚有咩分別呢！」

等

我最近經常諗，呢個世界有冇女仔會接受到我憂悠寡斷o既性格呢？

有o既話，呢個女仔又會唔會係靚女呢？

我，又會唔會咁幸運呢？

「莫道你在選擇人，人亦能選擇你．．．」

坐言起行

由今日開始，我要講得出做得到。

仲要係快手o個隻。

希望．．．

始束

到了今天，理應我係應該快樂的。

但到頭來，我卻鬱鬱不歡了一星期。

原因，我想我是清楚的。

既然已經結束了，我實在不應該再想太多。

是時候學習放開．．．

毒

今日放學之後，見有o的時間，行o左入一間玩具店睇o野。

齋睇，冇o野想買。

突然間，覺得自己好「毒」。

忽然間，覺得店內其他人都會覺得我好「毒」。

即閃．．．

一位，唔該。

一個人，連最鍾意食o既壽司都唔想食。

左諗右諗，行到去門口，結果都係冇入去。

其實唔係唔想食，已經想食o左幾日，只係唔想一個人去食。

由兩個人，變一個人，可能要時間適應。

以往習慣孤獨o既我，經過八年o既二人世界，已經失去獨處能力。

得番一個人，好多o野都唔想做．．．

雜念

我開始有o的猶疑，其實我應該交帶好所有o野遲o的先走。

依家好似好不負責任。

我開始有o的懷疑，其實我係為o左逃避問題所以先咁急走。

其它可能都只係藉口。


既然一切已定，有冇人可以教我問好再胡思亂想諗咁多？

獨家村

曾幾何時，我覺得我係一個唔需要朋友o既人。

最近，我發覺我未必係咁。

我以往習慣一個人，習慣孤獨。

其實，都係自己逼出o黎。

自己營造一個孤獨環境俾自己。

一直o係度逃避．．．

求變

我自返港後，似乎一直生活o係唔開心之中。

無可否認，我好多煩惱都係自尋。

唔開心，都係自己揀唔開心。

既然我仍然有得揀，我應該揀令自己開心。

要開心，我只有改變。

唔變，我只會原地踏步。

我唔想再唔開心。

封閉

我同網友講，我話不如遲o的出o黎見面。

佢話簡直要搵錄音機錄起我番說話。

我話我唔想再活o係自己個框度。

佢話我係一直活係個箱度。

轉變

今日，終於作了決定，行o左未必應該行o既一步。

我唔知我可唔可以堅持。

更加唔知唔知會唔會成功。

但係，至少我今日拿出o左我以往缺乏o既「勇氣」。

我要行我想行o既路！

喪禮

今日出席o左個喪禮。

咁大個人，第二次。

第一次，已經係十八年前o既事。

唔明點解o的人o係喪禮會：

1. 聚舊、相認
2. 高談闊論
3. 細聲講大聲笑
4. 嘻皮笑臉
5. 傾生意

等等．．．

似一個聚會，多過似一個喪禮。

我好靜，冇參與。

因為換轉係我，我都唔希望我個喪禮係咁。

中秋

舊年：
http://hide-myself.blogspot.com/2007/09/blog-post.html

天氣好、心情好

當頭棒喝

我老豆真係幾時都係o岩。

我o既諗法真係幾時都有問題。

不過，方向不變，目標不變。

至少達成共識。

去？留？

原本打算下年返澳洲，但因為昨天o既噩耗，令我猶豫起來。

我覺得我應該留o係香港陪陪父母。

因為父母年紀漸大。

因為我係獨仔。

因為我已經離開過八年。

一向只諗自己o既我，係時候為父母諗諗。

齊人

一個大家庭通常只會o係兩種情況下會齊人。

紅事、白事。

當一個人隨住年紀漸長，出席 "齊人" 聚會o既機會會越來越多。

而且以白事居多。

今日突然傳來一個噩耗，下個月，又會 "齊人" ．．．

九號烈風或暴風風力增強信號

風平浪靜 ...

鸚鵡

今日公司各同事 (老闆們冇份) 全日o既話題都係圍繞住呢隻雀。

全城期待過迎接奧運。

因為奧運開幕冇假放，隻雀飛到香港o既話就放假一天。

半途而廢

回想過去十年，似乎冇一樣o野係完完全全咁完成過。

無論學o野定做o野，都係半途而廢多。

最近下o左個決定，未十成，都定o左八、九成。

未知批唔批。

好多o野，都唔到自己話事。

但我想真真正正完成一件事，一件屬於自己o既事。

理想是 ... ?

理想是 ... ?

鍾意影相就去讀攝影？做攝影師？

鍾意睇戲就去讀電影？做導演？

鍾意睇波打 Winning 鍾意摩連奴就去讀足球？做教練？

鍾意砌機 set 機上網打機就去讀電腦？做 I.T.？

鍾意聽歌播歌講o野就去參加電台甄選？做 D.J.？

「唔知自己想點，淨係知道自己唔想點」

《戀愛起義》

記得《戀愛起義》中林海峰旁白o既其中一句：

「唔知自己想點，淨係知道自己唔想點」

切切實實表達到我目前o係工作同前途問題上o既心理狀態。

又記得：

最近我好鍾意一個人　自己一個人
一個人四圍去　一個開工一個人收工
一個人去食飯一個人去飲o野　一個人喱埋係屋企亂 "才禁" 個遙控
夜晚一個人上網　有時一個人跑步一個人打機
一個人去做 gym　一個人去卡拉OK　一個人去睇戲
間唔中一個人去砌下模型　星期六晚一個人去party
跟住一個人聽歌一個人跳舞一個人流汗一個人離開一個人上車跟住一個人返到屋企

一個人開心唔開心大笑大叫　連續好多日都係一個人
一個人有個好處就係唔駛有任何責任
唔駛有咁多包袱
每日二十四小時都係屬于自己
個世界幾時開始幾時停完全係我一個人話事
我鍾意去邊就去邊　做乜o野就做乜o野　諗乜o野就諗乜o野
我鍾意點就點　總之我鍾意就得
我鍾意　一個人

另一段，最能形容十二至二十歲之間，同最近o既我。

點解，我長唔大？

另一半

由中三左右開始，我就已經堅信我自己o既一個諗法。

「一個人一出世，上天已經安排o左命中注定o既另一半俾佢」

雖然上天已經安排o左命中注定o既另一半俾你，但唔代表上天會安排埋俾你遇到。

我總覺得好多長廂斯守的夫妻，身邊o既另一半都未必係命中注定o既另一半。

佢o地可以白頭到老，可以有好多原因。

一個人同另一個人o係埋一齊o既時候，未必可以肯定對方就係命中注定o既另一半。

但好多時當一個人同另一個人o係埋一齊o既時候，往往可以好肯定對方唔係命中注定o既另一半。

最近，我係後者。

一念天堂、一念地獄

由七月尾開始，西貢市日日都人山人海，暑假嘛。

每朝返工o既時候，都會見到一班一班o既年青男女或者係一家大小歡天喜地高高興興咁落車。

而我，就帶住沉重o既腳步同心情上車返工。

其他人坐車入o黎天堂；

而我，就坐車出去地獄。

能令我放鬆的歌聲

鄧麗欣

王菀之

謝安琪

衛蘭

(排名，應該已分先後)

王菲呢？

太耐冇聽了．．．

離家出走

朋友說，其實我大可一走了之。

無錯，我的確可以咁做。

即刻買張機票返澳洲，冇人吹得我脹。

但o係某程度上，對工作我還有些少責任心。

亦o係某程度上，我好享受我響香港o既半奢華生活。

又o係某程度上，我未清楚我返澳洲之後o既方向。

而且，我仍欠一個出走o既理由；或藉口。

如果可以發生好似 Janice 首《離家出走》o既情節就好了．．．

同類

我覺得我自己係某一類人但唔識形容係邊一類。

唔識形容自己係邊一類係因為我仍未遇到同類然後俾我去形容呢一類人。

我覺得我仍未遇到同類係因為似乎冇人完全明白、理解同接受我o既行為同諗法。

別人覺得我另類，我亦覺得我自己係個怪人。

究竟有冇人同我係同類？

我曾經認為我遇到一個，但我每次同呢個人傾偈到最後都係嗌交收場；所以應該唔係。

反反覆覆

上星期堅決地想離開，幾乎買機票咁滯。

今個星期又冇乜o野，只係變得懶懶散散。

仍然冇目標、冇方向；不過領會到一樣o野。

退一步即使未必海闊天空，但至少心情會變得輕輕鬆鬆。

身心受創

過去幾天，完全崩潰。

受不了，哭了．．．

eeeeeeeeeeeeeeeee!!!

原來好多男人去完廁所都唔洗手。

無論大定小。

呢堆男人，包括我老豆．．．

雜念

我．．．又想出走．．．

離開香港。

@28/07/2008 0:01

週末

星期六：
行旺角，睇波鞋、睇音響、睇影碟；有目標，但未行動。
去中環，睇專科，食麥奀記、蘭芳園。
返將軍澳，做 facial。
返屋企，食杯麵。
打機至凌晨五點。

星期日：
訓、食、打機、睇報紙、睇電視；全日一個人。

終於，有一個週末係真正有休息，有私人時間。

期待已久．．．

簡單、充實、滿足

Hello ... ?

無人來？

無人留言麼？

雲遊太虛

今日食o左藥，成個人都浮下浮下。

昏昏欲睡

因為病，因為藥。

失去，原來沒甚麼大不了

冷氣機漏水，書櫃水浸。

好多珍貴漫畫書報銷，例如：男兒當入樽，足球小將 全套等等。

好多中小學o既學生證、成績表、紀念冊等等亦報銷。

仲有中學階段o既日記、上堂傳o既紙仔等等，大部份都冇晒。

同初戀女友一齊寫o既記事簿、字條同信，都冇o左一部份。

有一o的已經忘記o左o既朋友送o既咭同信件，仍然保存到。

如果唔係因為水浸，都唔記得自己仲 keep 住呢o的o野。

發現o的o野濕晒報銷o個一刻，的確有一絲失落。

一陣之後，冇乜感覺。

豁然覺得可以放低過去，係一件好事。

或者，係因為不堪回首．．．

速成

由今日開始，每日都會打一篇 blog。

不為甚麼，只為練打字。

廿到尾

最後一年二字頭生日，下年就三張o野了．．．

暴飲暴食

每逢週末，我都會暴飲暴食。

係為舒緩壓力？

定因壓力而失控？

睇上癮

由買o左 HOUSE Season 1 ~ 3 o既 DVD o既o個一晚開始，每晚都至少煲兩集，實在太正了！！！

尤其喜歡 Dr. Cameron ...

晚餐？宵夜？

晚晚十點半先開餐，應該當 晚餐 定 宵夜？？？

三週、三天

一連三週冇放假，週末公眾假期照常工作，幾乎連短暫休息o既時間都冇；有點吃不消．．．

一連三天假期，連續三日都打麻雀，除o左食飯訓覺之外冇休息係咁打；仍然有點唔夠喉．．．

白行一趟

放假一天

同女朋友入東涌東薈城名店倉逛

空手而回

想坐 昂平360

但又唔夠時間



快快樂樂的一天

廿四圈

星期六及星期日

每日十二圈

已上癮．．．

聲沙

聲沙

唔知係因為開o左幾個鐘頭會

定沖涼唱歌唱得太勁

兜巴星

今日受o左兩巴掌。

上晝一巴、下晝一巴。

一巴係男，一巴係女。

一巴星醒o左我做事，另一巴星醒o左我做人。



犯賤，唔打唔醒神．．．

行屍走肉新體會

o係澳洲o既時候，曾經有一段頹廢o既日子。

冇返學，冇返工，冇出街，隱蔽中年一名。

自覺似一條行屍。



o係香港o既呢幾個月，有工返，有學返，有街出。

尤其係上個月，幾乎日日朝九晚九忙到嘔。

冇生活，冇思想，冇自己時間。

深深體會，原來咁先係一條行屍．．．

有幾何？

依家o既香港，有幾何會見到藍天白雲？

天氣好o既時候，人都會開朗o的。

難怪o係香港生活o既日子，我總係死氣沉沉．．．

特別眼訓的星期一

每逢星期一都特別眼訓

因為星期日晚唔願訓

越夜訓，越覺得個假期正在延長

尋晚又成三點幾先訓

睇o個套已經睇過兩次o既《旺角黑夜》

睇完，黯然去訓．．．唔想星期一來臨．．．